[ندعوك للتسجيل في المنتدى أو التعريف بنفسك لمعاينة هذه الصورة]سمعت عنه قصص واساطير
وانه لقلوب البنات سارق خطير
وانه بقى عند البنات الحلم الكبير
وانه في العشق هو المفتح وباقي الشباب ضرير
سألت عنه من البنات كتير
كلهم قالولي
مهند ... بدون تفكير
بطيبة سألت مهند مين؟
ولقيت بقى اشي شرارة من العنين
واشي ضحكة استهزاء وسؤال انت من فين؟
واشي سكوت مع نظرة من فوق لتحت و رفع الحاجبين
وفي الاخر واحدة قالتلي وهي بتتنهد وضامة الايدين
بطل مسلسل تركي اسمة نور وبيتابعة الملايين
شوفت المسلسل وشوفت حب مهند ونور
ولقيت الاخ مهند واد حليوة وفرفور
ومش فارق معاه غدا ولا عشا ولا فطور
طول الحلقات مش فاضي غير يحب ويعشق في الاخت نور
رومانسية فعلا جميلة بس كده مش معقول
مش هانقعد نحب طول اليوم كده وعلطول
ده كلام خيال لكن في الحقيقة الوضع شرحة يطول
الرحمة يا بنات عالشباب شوية
شوفوا الحياة دلوقت واتعاملوا بواقعية
اذاي الشاب هايبقى مهند وهو عايش حمال اسية
علشان يتجوزك بتطلع روحة في الشغل و بعد الجواز بتبقى مش مكفية
الحياة بقيت صعبة وهو اللي علية المسئولية
هايفضى لشغلة ولا يقلك كلام حب من الصبح للمغربية
كفاية كلمة حلوة او رسالة او يهديكي اغنية رومانسية
خديها نصيحة ياللي بحب المسلسلات مهتمية
ماتصدقيش كلام المسلسلات ده في عالم الاوهام بيدور
اما لو مصرة يبقى ذي مهنديبقى خليكي انتي في الاول ذي نور