الديك أبو الديوكة

سلام
عليكم دى حدوته بقا أسمها الديك ابو الديوكه انا عارفه مش هتفهمو منها
حاجه بس مع نفسكو بقا الديك ابو الديوكه دا حبيبى الحدوته دى أمتياز خاص
وملكيه خاصه محدش يعرف يحكيها غيرى كان نفسى اسمعهالكو صوت المره الجايه
بقا
ممكن تسموها فلكلور صعيدى هى محتاجه ترجمه عارفه

نبدأ بقا الحدوته اسمها الديك ابو الديوكه
كان يا ما كان ميحلى الكلام الا بذكر النبى عليه أفضل الصلاة والسلام كان فى ديك أسمو الديك أبو الديوكه
المهم
الديك أبو الديوكه ف يوم وهو ماشى بحت فى الكوم لجى جمحايتين فرح بيهم
وأخدهم ومشى بالصدفه لجى واحده رايحه تطحن جالها يا ست ياللى ماشيه خدى
الجمحايتين دول كترى بيهم طحيناتك فرحت بيهم واخدتهم ومشيت أستناها وهى
راجعه أول مشافها جالها أنا عاوز الجمحايتين بتوعى جالتلو مش جولتلى خدى
كتر طحيناتك؟جالها :أصا آآآنااااااا الديك أبو الديوكه بحت فى الكوم لجيت
جمحايتين والجمحايتين بحج دجيج أخد منها حج الدجيج ومشى ولجى واحده رايحه
تخبز جالها يا ست ياللى ماشيه خدى حج الدجيج ده كترى بيه خبيزاتك فرحت بيه
وخدته ومشيت أستناها وهى راجعه وجالها أنا عاوز حج الدجيج بتاعى جالتلو أنت
مش جولتلى خدى كترى خبيزاتك؟جالها أصل آآآآنا الديك أبو الديوكه بحت فى
الكوم لجيت جمحايتين والجمحايتين بحج دجيج وحج الدجيج برص عيش
أخد منها
رص العيش ومشى راح بلد أهلها بيزرعو بصل بس ومعندهمش عيش يأكلو جالهم خدو
العيش كلوه ووكلو عيالكم فرحو وبعد مكلو جالهم أنا عاوز رص العيش بتاعى
جالولو أنت مش جولتلنا خدو كلو ووكلو عيالكم جالهم أصل آآآآنا الديك أبو
الديوكه بحت فى الكوم لجيت جمحايتين والجمحايتين بحج دجيج وحج الدجيج برص
عيش ورص العيش بشنيف بصل
أخد شنيف البصل ومشى راح قريه فيها ناس عندهم
مواشى وحيوانات كتيييير بس مش عندهم أكل للحيوانات دى جالهم خدو البصل أكلو
الحيوانات بتاعتكم بعد ما اخدوه جالهم انا عاوز البصل بتاعى جالولو أنت مش
جولتلن أكل الحيوانت بتاعتكم هنجيبهولك منين جالهم ماليش دعوه أصل آآآآنا
الديك ابو الديوكه بحت ف الكوم لجيت جمحايتين والجمحايتين بحج دجيج وحج
الدجيج برص عيش ورص العيش بشنيف بصل وشنيف البصل بالجاموسه
أخد منهم
الجاموسه ومشى ووهو ماشى لجى فرح بس مفيش اكل للمعازيم قالهم خدو اكلو
المعازيم ادبحو الجاموسه وكلو وأكلو معازيمكم بعد مكلو جالهم انا عاوز
الجاموسه بتاعتى جالولو مش جولتلنا كلو وأكلو المعازيم جالهم أصل
آآآآآآآآآنا الديك ابو الديوكه بحت فى الكوم لجيت جمحايتين والجمحايتين بحج
دجيج وحج الدجيج برص عيش ورص العيش بشنيف بصل وشنيف البصل بالجاموسه
والجاموسه بالعروسه هيييييييه أخد العروسه وطاااااااااار وعاشو فى تبات
ونبات وخلفو كتاكيت وفراخ وتوته توته خلصت الحدوته قابلونى لو فهمتو حاجه
هههههههههههههههههههههههههه
ديك نصاب عارفه بحبايتين قمح أخد عروسه ياااااا رب تعجبكو